O‘zbekistonda Temu yuridik shaxs sifatida ro‘yxatdan o‘tdi

Avvalroq, platformada yangi talablar tufayli bloklanish xavfi tug‘ilgandi

Фото: Ratel

O‘zbekistonda Temu yuridik shaxs sifatida ro‘yxatdan o‘tdi. Bu haqda Soliq qo‘mitasi matbuot xizmati xabar berdi Soliq qo‘mitasi matbuot xizmati.

Istiqbolli loyihalar milliy agentligi joriy yilning 20-martidan boshlab platforma mamlakatda faoliyat yurita olmasligini ma’lum qilgandi, chunki u o‘sha paytda Oʻzbekistonda ro‘yxatdan o‘tmagan edi.

Cheklashning asosiy sababi – respublikada faoliyat yuritayotgan xalqaro internet-kompaniyalarga yaqinda qo‘yilgan talablarga javob bermasligi edi. Vazirlar Mahkamasining qaroriga muvofiq, 2024-yil 28-dekabrdan boshlab xorijiy onlayn platformalar O‘zbekistonda yuridik shaxs sifatida ro‘yxatdan o‘tishlari shart etib belgilangan.

Bundan tashqari, 2025-yil 1-iyuldan xorijiy onlayn platformalar qo‘shimcha shart – elektron tijorat subyektlari reyestriga kiritilishi joriy etiladi.