O‘zbekistonda Temu onlayn do‘koni faoliyati cheklanadi

Istiqbolli loyihalar milliy agentligi va Soliq qo‘mitasi 2025-yil 20-martdan boshlab TEMU platformasi mamlakatda ishlay olmasligini ma’lum qildi.

Sababi — yangi qoidalarga ko‘ra, faqat O‘zbekiston rezident kompaniyalari elektron tijorat operatorlari bo‘lishi mumkin. Tekshiruvlar shuni ko‘rsatdiki, xorijiy platformalar, shu jumladan Temu savdo, reklama, ma’lumotlar va iste’molchilar huquqlarini himoya qilish to‘g‘risidagi qonunlarni buzgan.

Fuqarolarga yangi buyurtmalarni rasmiylashtirmaslik va zarur hollarda sotib olingan tovarlar uchun pulni qaytarish tavsiya etiladi. Shuningdek, rasmiylar shaxsiy ma’lumotlarni ro‘yxatdan o‘tmagan kompaniyalarga bermaslik haqida ogohlantirmoqda.

Avvalroq marketpleysning bloklanishi haqida ma’lum qilingandi.