Markaziy bank “Biznesga Ko‘maklash mikromoliya tashkiloti” ro‘yxatdan o‘tkazdi

Markaziy bank boshqaruvining qaroriga asosan “BIZNESGA KO’MAKLASHISH MIKROMOLIYA TASHKILOTI” mas’uliyati cheklangan jamiyati mikromoliya tashkiloti faoliyatini amalga oshiruvchi tashkilotlar reyestriga kiritildi va hisob ro‘yxatidan o‘tkazildi.

ILMA ma’lumotlariga ko‘ra, kompaniya rahbari Muradov Ulugbek Xashimdjanovich hisoblanadi. 

Regulyator mart oyi o‘rtalarida 3 ta mikromoliya tashkilotini ro‘yxatdan o‘tkazgandi. Shuningdek, yanvar oyi boshida 11 ta, oy oxirida yana 1 ta mikromoliya tashkilotlarini ro‘yxatdan o‘tkazgandi. 

Kapital.uz avvalroq 2024-yil davomida mikromoliya tashkilotlari soni 100 taga yetgani haqida xabar bergandi. Shunday qilib, mamlakatda mikromoliya tashkilotlari soni hozircha 114 tani tashkil qilmoqda.