O‘zbekistonda 3 ta kompaniya mikromoliya tashkiloti sifatida ro‘yxatdan o‘tkazildi

Mamlakatda mikromoliya tashkilotlari soni 113 taga yetdi

Фото: Абдумавлон Мадмусаев / Kapital.uz

Markaziy bank quyidagi mas’uliyati cheklangan jamiyatlar mikromoliya tashkiloti faoliyatini amalga oshiruvchi tashkilotlar reyestriga kiritdi va hisob ro‘yxatidan o‘tkazdi:

“BARAKALA MICROFINANCE” MCHJ
“ENTERPRISE FINANCE MIKROMOLIYA TASHKILOTI” MCHJ
“FINANZA” MCHJ.

Regulyator yanvar oyida 11 ta, oy oxirida yana 1 ta mikromoliya tashkilotlarini ro‘yxatdan o‘tkazgandi.

Kapital.uz avvalroq 2024-yil davomida mikromoliya tashkilotlari soni 100 taga yetgani haqida xabar bergandi. Shunday qilib, mamlakatda mikromoliya tashkilotlari soni hozircha 113 tani tashkil qilmoqda.