Binance birjasida Bitkoin narxi $118 mingdan oshdi

Bitkoin kriptovalyutasining qiymati tarixiy yuqori cho‘qqini yangilab, ilk bor $118 mingdan oshib ketdi. Bu ma’lumot Binance kripto birjasida qayd etilgan.

Toshkent vaqti bilan soat 10:50 da kriptovalyuta narxi $118 342 ga yetdi. Soat 12:35 da esa $117 950 ni tashkil qilmoqda.

Ta’kidlash joizki, oldingi narx cho‘qqisi 10-iyulda qayd etilgan edi. O‘shanda Binance’da bitkoinning USDT steyblkoini juftligidagi kursi $113,3 minggacha ko‘tarilgandi.