Bitkoin rekord qiymatini yangiladi

Bitkoin kriptovalyutasining qiymati ilk bor $112 ming chegarasidan oshib, avvalgi narx cho‘qqisidan ham yuqoriga ko‘tarildi. Bu haqda RBK xabar bermoqda.

Coinbase birjasi ma’lumotlariga ko‘ra, 10-iyul kuni Toshkent vaqti bilan soat 00:55 da bitkoinning narxi $112,1 ga yetgan.

Ayni paytda kriptovalyuta narxi tuzatilgan bo‘lib, $111,1 ming darajasida savdolanmoqda.

Kapital.uz avvalroq kriptovalyuta narxi $111 minglik rekordni qayd etgani haqida yozgan edi. Bu AQSHda inflyatsiya darajasi pasayishi va savdo urushi yumshashi bilan izohlangan.