O‘zbekistonda zargarlik uskunalari va xomashyo importiga bojxona bojlari bekor qilindi

O‘zbekiston Vazirlar Mahkamasi zargarlik sanoati uchun bojxona to‘lovlaridan ozod etiladigan xorijiy komponentlar va texnik jihozlar ro‘yxatini tasdiqladi. Tegishli hujjat Lex.uz qonunchilik ma’lumotlari milliy bazasida e’lon qilindi.

Joriy etilayotgan imtiyozlar zargarlik buyumlari ishlab chiqarishda foydalaniladigan va mamlakat ichida ishlab chiqarilmaydigan texnik vositalar, ehtiyot qismlar hamda qo‘shimcha komponentlarga tatbiq etiladi. Mazkur yengilliklar 2025-yil iyun oyida imzolangan, zargarlik sanoati vakillarini qo‘llab-quvvatlash bo‘yicha prezident qarori ijrosi doirasida tasdiqlangan.

Soliq imtiyozlari 2028-yil iyul oyigacha amal qiladi.

Hukumat tomonidan tasdiqlangan ro‘yxatga xomashyo va uskunalarning 31 turi kiritilgan:

TIF TN kodi — Mahsulot nomi

1515191000 — uskunalarga xizmat ko‘rsatish uchun zig‘ir moyi;
2520200000 — buyum modellarini yaratish uchun gips bog‘lovchi aralashmalar;
2710199800 — tarkibida 70% dan ortiq neft mahsulotlari mavjud vakuum moylash moyi;
3403990000 — tarkibida 70% gacha neft mahsulotlari bo‘lgan moylash materiallari;

3404900001; 3404900009 — buyumlarni modellashtirish uchun haykaltaroshlik mumi;

3405901090 — oltin elementlarni silliqlash va jilolash pastalari;
3506100000 — rangli maxsus zargarlik yelimi (A Glue);
3506910009 — shaffof yelim tarkiblari (A Glue, AB Glue);
3926909709 — oltin zarralarini ushlash uchun plastik pol panjaralari;
4008219000 — rezina tayanchlar (D100, D120, D130 modifikatsiyalari);
5806390000 — ishlab chiqarishda qo‘llarni himoya qilish uchun maxsus mato;
5903109009 — polivinilxlorid qoplamali sun’iy charm;
5911901000 — silliqlash va jilolash uchun kigiz doiralar;
5911909009 — tozalash qurilmalari uchun sanoat matolari va filtrlar;
6116102000 — rezina qoplamali yoki shimdirilgan himoya qo‘lqoplari;
6804221200 — sintetik bog‘lamli keramika yuqori chastotali silliqlash toshlari;
6804223000 — keramika bog‘lamli yuqori chastotali silliqlash toshlari;
6804225000 — metallni qayta ishlash uchun tozalovchi disklar;
6805200000 — buyumlarga yakuniy ishlov berish uchun abraziv qog‘oz;

6815120000; 6815130000 — uglerod tolali matolar va komponentlar;
6815190000 — grafit sterjenlar;
6903100000 — presslarning quyi sektori uchun izolyatsion tigellar (kamida 50% uglerodli);

6903901000; 6903909000 — termohimoya elementlari, grafit tigellar va shtoklar;

6914100000 — keramika idishlari (tigellar, stakanlar, tomizgichlar);
7017900000 — teshikli laboratoriya shisha kolbalari;
7326909807 — vibrogaltovka uchun po‘lat sharlar (0,2–3 mm kalibrda);
7410800000 — rezina tayyorlamalar uchun mis press-qoliplar;
8207506000 — metallga ishlov berish uchun po‘lat parmalar;
8454200000 — quyish cho‘michlari va quyma qoliplar;
8480600000 — eritib quyiladigan modellar uchun rezina qoliplar;
8515110000 — maxsus payvandlash uskunalari.

Bojsiz import faqat ishlab chiqarilgan sanasidan O‘zbekiston chegarasini kesib o‘tish kunigacha uch yildan ko‘p vaqt o‘tmagan mahsulotlarga nisbatan qo‘llanadi. Ushbu talab import qilinayotgan texnik uskunalarning ajralmas qismi hisoblangan ichki detallarga ham tatbiq etiladi.