2027-yilgacha O‘zbekistonda yuk mashinalari importi uchun bojxona bojlari va utilizatsiya yig‘imini bekor qilinadi

Imtiyozlar 5 yildan oshmagan, “Yevro-5” standartiga mos yuk mashinalari va ayrim yarim tirkamalarga amal qiladi

Фото: Министерство транспорта

O‘zbekistonda mahalliy tashuvchilarni qo‘llab-quvvatlash va logistika avtoparkini yangilash maqsadida 2027-yil oxirigacha ayrim yuk transport vositalari importi uchun bojxona bojlari hamda utilizatsiya yig‘imi bekor qilinadi. Bu haqda Transport vazirligi matbuot xizmati xabar berdi.

Prezident tomonidan imzolangan qarorga muvofiq, 2027-yil 31-dekabrgacha mamlakatga olib kiriladigan ayrim tijorat transport vositalari uchun bojxona to‘lovlari va utilizatsiya yig‘imi bo‘yicha nol stavka qo‘llanadi.

Imtiyozlar ishlab chiqarilganiga besh yildan oshmagan, ekologik talablari “Yevro-5” va undan yuqori bo‘lgan yuk avtomobillari hamda yuk tortuvchi тягачlarga (TIF TN kodlari 8701 21, 8701 22, 8701 23, 8701 24) tatbiq etiladi.

Bundan tashqari, umumiy og‘irligi 15 tonnadan ortiq yoki yuk bo‘limining ichki hajmi kamida 76 kub metr bo‘lgan yarim tirkamalar (TIF TN kodi 8716 39) ham ushbu imtiyozlardan foydalanishi mumkin.

Qarorda nazarda tutilishicha, agar import qilingan transport vositasi bojxona rasmiylashtiruvidan o‘tganidan keyin uch yil ichida eksport qilinsa, bojxona imtiyozlari bekor qilinadi va avval to‘lanmagan to‘lovlar undiriladi.

Xuddi shunday tartib transport vositasi qayta jihozlanib, uning TIF TN kodi o‘zgargan hollarda ham amal qiladi. Bunda faqat yoqilg‘i turini almashtirish bundan mustasno hisoblanadi.

Shuningdek, hujjatga ko‘ra, ushbu transport vositalari importida Yevropa standartlariga muvofiq majburiy sertifikatlashtirish talabi ham vaqtincha bekor qilinadi.