Qonunchilik palatasi O‘zbekistonning YeOTBga qo‘shilishi to‘g‘risidagi qonun loyihasini ma’qulladi

Bugun, 21-yanvar kuni Qonunchilik palatasi tomonidan “O‘zbekiston Respublikasining Yevroosiyo taraqqiyot bankini ta’sis etish haqidagi bitimga qo‘shilishi to‘g‘risida”gi qonun loyihasi ko‘rib chiqildi. 

Xususan, $7 mlrd ustav kapitaliga ega Yevroosiyo taraqqiyot bankining asosiy maqsadi a’zo davlatlarda investitsion loyihalarni moliyalashtirish bo‘lib, bu yo‘nalishda bank “yashil iqtisodiyot”, transport-logistika, muqobil enegretika, raqamli transformatsiya, qishloq xo‘jaligi sohalaridagi loyihalarni moliyalashtirish bo‘yicha investitsion faoliyatni olib borishga qaratilgan. 

Qonun loyihasi deputatlar tomonidan uchinchi o‘qishda qabul qilindi.

Bank 2016-yildan buyon mamlakatda $15 mlrd miqdoridagi loyihalarni moliyalashtirgan. Shuningdek, bank a’zo davlatlar milliy valyutasida hisob kitoblarni amalga oshirish tizimini ham yo‘lga qo‘ygan.