Yevroittifoqning Rossiyaga qarshi 17 sanksiyalar paketida O‘zbekiston korxonalari ham bor

Yevropa Ittifoqi Rossiyaga qarshi sanksiyalarning 17-paketi doirasida 75 nafar jismoniy va yuridik shaxsga nisbatan cheklovlar joriy qildi, deb yozmoqda RBK nashri.

“Ukrainaning hududiy yaxlitligi, suvereniteti va mustaqilligiga putur yetkazuvchi yoki tahdid soluvchi xatti-harakatlar uchun mas’ul bo‘lgan” shaxslar sanksiyalar ostida qoldi.

Rossiya kompaniyalaridan tashqari, Serbiya, BAA, Turkiya, Vyetnam va O‘zbekiston korxonalariga nisbatan cheklovlar joriy etildi.

Yevropa Ittifoqining rasmiy jurnaliga ko‘ra, O‘zbekistonning “Trade Engine System” kompaniyasi sanksiyalar ro‘yxatiga kiritilgan.