Toshkentda Yangi O‘zbekiston ko‘chasining bir qismi 1 oyga yopildi

Toshkent shahri Mirzo Ulug‘bek tumanidagi Yangi O‘zbekiston ko‘chasining bir qismi bir oyga yopildi, deya xabar bermoqda tuman hokimligi.

Qayd etilishicha, “Yangi O‘zbekiston” bog‘i yonida yerosti yo‘l o‘tkazgichi qurilmoqda va qurilish ta’mirlash ishlari olib borilmoqda.

Shu sababli 9-iyuldan 9-avgustgacha Yangi O‘zbekiston yo‘lining (Toshkent viloyatidan harakatlanib kelishda) bog‘ga tutash qismida avtoulovlar harakati to‘xtatiladi.

Harakat “Yangi O‘zbekiston” bog‘i chegara hududidagi yo‘l orqali Milliy bog‘ ko‘chasiga yo‘naltiriladi.