Xitoyning «Shenzhen Neptune Logistics» kompaniyasi logistika markazini qurish uchun $15 mlngacha sarmoya kiritadi

Shuningdek, kompaniya respublikada А+ toifali omborxonalar qurish istagini bildirdi

Фото: «Узтемирйулконтейнер»

Xitoyning «Shenzhen Neptune Logistics» kompaniyasi O’zbekistonda logistika markazi qurilishiga $10 dan $15 mlngacha sarmoya kiritishni rejalashtirmoqda. Bu haqda «O’ztemiryo’lkonteyner» xabar bermoqda.

Davlat kompaniyasi rahbari vazifasini bajaruvchi Akmal Kamalov kecha Xitoy kompaniyasining tijorat direktori Nensi Tan bilan uchrashuv o’tkazdi. Uchrashuvda xalqaro transport yo’laklarini rivojlantirish va logistika xizmatlari sifatini yaxshilash masalalari muhokama qilindi.

Shuningdek, O’zbekiston Respublikasida tarqatish xizmatlarini ko’rsatadigan А+ toifali omborlarni qurish taklif etildi.

Bundan tashqari, Xitoyning Sian, Chengdu va Shenzhen viloyatlaridan «Xitoy-Qirg’iziston-O’zbekiston» multimodal yo’nalishi bo’yicha Turkiya va Yevropa mamlakatlariga transport yo’laklari orqali konteyner tashishni boshlash masalalari muhokama qilindi.