Markaziy bank “United Payment Solution” to’lov tashkilotidan litsenziyani qaytarib oldi

Joriy yilning 13 sentabr kuni Markaziy bank to’lov tashkiloti faoliyatini amalga oshirish uchun “United Payment Solution” aksiyadorlik jamiyatidan litsenziyani qaytarib olishga qaror qildi. Bu haqda regulyator xabar berdi.

Buning sababi litsenziyani olganidan keyin bir yil ichida kompaniya faoliyatini yuritmayotgani.

Shuningdek, kompaniya to’lov tashkilotlari reyestridan chiqarildi.

KTYADR ma’lumotlariga ko’ra, “United Payment Solution” o’tgan yilning mart oyida ro’yxatdan o’tgan. Uning muassisi G’izatullin Rustam Sabirovich bo’lib, ustav fondi 50 mln so’mni tashkil etadi.