O‘zbekistonda suv olish qoidalarini buzganlik uchun jarima joriy etildi

O‘zbekistonda suv olish tartibini buzganlik uchun jarimalar joriy etilmoqda. Bu haqda Adliya vazirligi ma’lum qildi.

Baliqchilik xo‘jaliklari, sanoat, energetika va maishiy ehtiyojlar uchun suv olish qoidalarini buzgan korxonalarga quyidagi jazo choralari belgilangan:

• belgilangan limitdan ortiq suv olinganda — har ming kub metr uchun BHMning 20%i miqdorida;
• suv olish shartnomasi bo‘lmaganda — BHMning 30%i;
• suvdan o‘rnatilgan hisobga olish va nazorat qilish asboblarisiz foydalanilganda — BHMning 5%i;
• maxsus ruxsatnomasiz suv olinganda — BHMning 40%i miqdorida.

Agar xuddi shunday qonunbuzarlik jazo qo‘llanilganidan so‘ng bir yil ichida takroran sodir etilsa, jarima miqdori besh barobarga oshiriladi.