O’zbekiston Shveytsariyaning “Stadler Rail” kompaniyasidan elektr poyezdlarini sotib olishni rejalashtirmoqda

Joriy yilning 13 sentabr kuni transport vaziri Ilhom Maxkamov va MDH mamlakatlari bo’yicha “Stadler Rail” raisi Aleksandr Lyuft o’rtasida muzokaralar bo’lib o’tdi. Bu haqda transport vazirligi xabar bermoqda.

Uchrashuv ishtirokchilari hamkorlikning mumkin bo’lgan yo’nalishlarini, jumladan, elektr poyezdlarini sotib olish, xizmat ko’rsatish sohasida mahalliy mutaxassislarni tayyorlash va O’zbekistonda mahsulotlarni mahalliylashtirish istiqbollarini muhokama qildilar. 

Muhokamalar natijasida tomonlar O’zbekiston yo’lovchi temir yo’l tarmog’i ehtiyojlari va “Stadler”ning har bir ishlab chiqarish va xizmat ko’rsatish segmenti uchun narx siyosatini hisobga olgan holda kompaniya imkoniyatlarini batafsil o’rganishga kelishib oldilar.