Buyuk Britaniya O’zbekistondagi kompaniyaga sanksiya joriy qildi

Buyuk Britaniya O‘zbekiston, Xitoy, Qozog‘iston va boshqa mamlakat kompaniyalariga Rossiyaga ko‘rsatilayotgan yordam tufayli sanksiyalar joriy qildi. 

Jumladan, O‘zbekistonning “Uzstanex” kompaniyasi (mexanik mashinalarning ulgurji savdosi) aktivlarini muzlatish bo’yicha cheklovlarga uchradi.

Unga ko’ra,  kompaniya Ukrainaning hududiy yaxlitligi, suvereniteti va mustaqilligiga putur yetkazish yoki unga tahdid solayotgan moliyaviy xizmatlar, mablag‘lar, iqtisodiy resurslar, tovarlar va texnologiyalarni taqdim etish orqali qo’llab-quvvatlashda ishtirok etgan.