O‘zbekistonda korxona va tashkilotlar soni bir yilda 19% ga oshdi
Faol korxonalar soni 660,4 mingtaga yetdi, ularning 18,8 foizi Toshkent shahri hissasiga to‘g‘ri keladi
Фото: Абдумавлон Мадмусаев / Kapital.uz
O‘zbekistonda faoliyat yuritayotgan korxona va tashkilotlar soni 660 392 tani tashkil etdi. Milliy statistika qo‘mitasi ma’lumotlariga ko‘ra, bu ko‘rsatkich o‘tgan yilning mos davriga nisbatan 105 476 taga (19% ga) ko‘p.
So‘nggi besh yillik dinamikaga qaralsa, respublikadagi faol korxona va tashkilotlar sonida sezilarli tebranish va o‘sish kuzatilgan.
| Davr |
Faol tashkilotlar soni |
| 2022-yil (1-noyabr holatiga) |
596 026 ta |
| 2023-yil |
503 541 ta |
| 2024-yil |
561 382 ta |
| 2025-yil |
554 916 ta |
| 2026-yil |
660 392 ta |
Bir yil ichida korxonalar soni 554,9 mingtadan 660,4 mingtaga yetgan. Birgina oktabr oyining o‘zida kuzatilgan 39 337 talik o‘sish esa asosan 34 910 ta korxonaning o‘z faoliyatini qayta tiklagani hisobiga shakllangan.
Shuningdek, 2026-yilning yanvar–oktyabr oylarida respublika bo‘yicha 75 699 ta yangi korxona tashkil etilgan.
Jami faoliyat yuritayotgan korxonalarning 489,1 mingtasi yoki 74,1 foizi kichik korxonalar va mikrofirmalar hissasiga to‘g‘ri keladi.
Eng ko‘p korxona poytaxtda
Respublika bo‘yicha faoliyat yuritayotgan korxona va tashkilotlarning deyarli beshdan bir qismi (18,8%) Toshkent shahri hissasiga to‘g‘ri keladi. Shuningdek, ikkinchi o‘rinni Toshkent viloyati (9,6%), uchinchi o‘rinni esa Samarqand viloyati (9,3%) band qilgan.
Hududlar kesimidagi to‘liq reyting quyidagicha:

Iqtisodiy faoliyat turlari bo‘yicha korxonalarning asosiy qismi uchta tarmoq — savdo, qishloq xo‘jaligi va sanoatda jamlangan bo‘lib, ular umumiy ko‘rsatkichning 60,7 foizini tashkil etadi.

Moliya va biznes haqida ko'proq yangiliklar Telegram kanalda @KPTLUZ