O‘zbekistonda yana to‘rtta bank islomiy bank faoliyati uchun litsenziya oldi
Birinchi bunday litsenziya 23-oktabr kuni Open Bank’ga berilgan edi
Markaziy bank 18-noyabrdagi qarorlari bilan to‘rtta tijorat bankiga islomiy bank faoliyatini amalga oshirish uchun litsenziyalar berdi. Bu haqda regulyator xabar berdi.
Litsenziyalar quyidagi banklarga taqdim etildi:
- “Ipak Yo‘li” aksiyadorlik innovatsion tijorat banki;
- “Asia Alliance Bank” ATB;
- “Orient Finans” XATB;
- “Hayot Bank” AJ.
Ushbu litsenziyalar banklarga “Banklar va bank faoliyati to‘g‘risida” gi qonunning 5¹-moddasida nazarda tutilgan islomiy moliya operatsiyalarini amalga oshirish huquqini beradi.
O‘zbekistonda islomiy bank faoliyatini amalga oshirish uchun birinchi litsenziya 2026-yil 23-oktabrda Open Bank’ga berilgan edi.
Islomiy bank faoliyatini joriy etishning huquqiy asoslari 2026-yil 27-martda qabul qilingan O‘RQ-1126-sonli qonun bilan belgilangan. Unga ko‘ra, tijorat banklari tegishli litsenziyalar asosida an’anaviy va islomiy bank faoliyatini birgalikda olib borishi mumkin.
Moliya va biznes haqida ko'proq yangiliklar Telegram kanalda @KPTLUZ