3-5 aprel kunlari Samarqand shahriga kirish vaqtincha yopiladi

3-4-5 aprel kunlari “Markaziy Osiyo—Yevropa ittifoqi” sammiti munosabati bilan Samarqand shahriga kirish vaqtincha yopiladi. Shu kunlari shaharning ayrim ko‘chalarida ham transport harakati qisman cheklanadi.Bu haqda YHXX xabar berdi.

Sammit kunlari xavfsizlikni ta’minlash uchun Samarqand shahrining quyidagi ko‘chalarida transport vositalarining harakati vaqti-vaqti bilan cheklanadi:

• Ibn Sino;
• Afrosiyob;
• Dahbed;
• Bo‘stonsaroy;
• Universitet xiyoboni;
• Namozgoh;
• Sadriddin Ayniy;
• Shabod;
• Usta Umar Jo‘raqulov;
• Registon;
• Beruniy;
• Mirzo Ulug‘bek.

Qayd etilishicha, ushbu ko‘chalarda, istisno tariqasida, tez tibbiy yordam va favqulodda vaziyatlar bo‘linmalariga harakatlanishga ruxsat beriladi.