Qarshi shahrini deyarli ikki barobarga kengaytirish rejalashtirilmoqda

Qashqadaryo viloyatida Qarshi shahrini deyarli ikki barobarga kengaytirish rejalashtirilmoqda, bu shaharning bosh rejasidan ma’lum bo‘ldi.

Hujjatga ko‘ra, shahar maydoni 7 767 gektarga oshiriladi. Unga Koson, Qarshi va Ko‘kdala tumanlarining ayrim yerlari qo‘shib olinadi. Hududni kengaytirish ishlari 2042-yilgacha davom etadi.

2030-yilga kelib shahar maydoni 11 026,8 gektarga (hozirda 8 308,9 gektar), 2042-yilga kelib esa 16 073,6 gektarga yetadi. Aholi soni 470 ming kishini tashkil etadi, uy-joy fondi esa 10,81 mln kvadrat metrgacha ko‘payadi.

Yangi ko‘p qavatli uylar, bolalar bog‘chalari, maktablar, tibbiyot va ijtimoiy muassasalar barpo etiladi.

Magistral ko‘chalar uzunligini 291,33 km ga yetkazish rejalashtirilmoqda.