Stanislav Skvirskiy “Payme” bosh direktori etib tayinlandi

Stanislav Skvirskiy “TBC Uzbekistan” ekotizimiga kiruvchi “Payme” to‘lov xizmatining bosh direktori etib tayinlandi.

Yangi lavozimida u “Payme” jamoasining rivojlanish strategiyasi, yangi mahsulotlarni joriy etish va operatsion boshqaruvi bilan shug‘ullanadi, bunda “TBC Uzbekistan” bosh direktori Nika Kurdianiga bo‘ysungan holda ishlaydi.

Bundan oldin u “Payme” moliyaviy mahsulotlar bo‘limini boshqargan va kundalik banking yo‘nalishiga, jumladan P2P o‘tkazmalari, to‘lovlar, ularning monitoringi hamda “GovTech” ga rahbarlik qilgan. Skvirskiy “TBC” kompaniyasiga 2023-yilda ishga kirgan.

U Toshkentda tug‘ilib o‘sgan, “GE Money Bank” xalqaro kompaniyasida va “Skybonds” fintech xizmatida ishlagan, u yerda mahsulotlarni ishlab chiqish va moslashtirishga mas’ul bo‘lgan.