“Payme” AJ ustun mavqega ega raqamli platforma operatori sifatida tan olindi

Raqobat qo‘mitasining tegishli buyrug‘i bilan onlayn to‘lov tizimlari bozorida “Payme” AJ ustun mavqega ega raqamli platforma operatori deb e‘tirof etildi. Bu haqda Qo‘mita matbuot xizmati xabar bermoqda. 

Qaror O‘zbekiston Respublikasi Vazirlar Mahkamasining 2024-yil 1-maydagi 256-sonli qarori 2-ilovasi bilan tasdiqlangan “Raqamli platforma operatorining ustun mavqeini va ustun muzokara kuchini e‘tirof etish tartibi to‘g‘risidagi Nizom” da raqamli platforma operatorining ustun mavqega ega deb e‘tirof etilish mezonlariga ko‘ra tasdiqlandi. 

Bunga asos sifatida “Payme” AJ tomonidan onlayn to‘lov tizimlari bozorida ustun mavqega erishganligi to‘g‘risida Raqobat qo‘mitasiga taqdim etilgan xabarnoma inobatga olingan.