Toshkentdagi “O‘zbekiston ovozi” ko‘chasining bir qismi yopildi

Mirzo Ulug‘bek tumanidagi “O‘zbekiston ovozi” ko‘chasi turizm ko‘chasiga aylantirilmoqda. Shu sababli Sodiq Azimov ko‘chasi va “O‘zbekiston ovozi” ko‘chalari kesishmasida avtoulovlar harakati 2-iyul soat 12:00dan 5-iyul soat 8:00 ga qadar vaqtincha avtoulovlar harakati cheklanadi. Bu haqda Mirzo Ulug’bek tumani hokimligi xabar bermoqda.

Haydovchilar Mustaqillik shox ko‘chasidan harakatlanganda Maxatma Gandi ko‘chasiga o‘tishlari, Sodiq Azimov ko‘chasining “O‘zbekiston ovozi” ko‘chasiga tutash qismidan qayrilib olish mumkin.

Taʼmirlash ishlari kun-u, tun tashkil etiladi va ikki smenada amaliy ishlar olib boriladi. Yuzaga kelgan noqulayliklar uchun uzr so‘raymiz va tez orada harakatlanish tiklanishini maʼlum qilamiz, deyiladi hokimlik xabarida.