Urganch va Nukus yo’nalishidagi poyezd chiptalari narxi oshiriladi

Urganch va Nukus o‘rtasidagi poyezd uchun chipta narxi oshiriladi. Bu haqda O‘ztemiryo‘lyo‘lovchi matbuot xizmati xabar berdi.

Unga ko‘ra, Nukus-Urganch-Nukus yo‘nalishida qatnovchi shaharlararo poyezdlari uchun 22-noyabrdan yangi narxlar amal qiladi.

Quyida yangi chipta narxlari keltirilgan:

• kattalar uchun — 40 ming so‘m (amalda — 20 ming so‘m);
• bolalar uchun — 21,5 ming so‘m (11 500 so‘m).

“Yangi tariflar xizmat ko‘rsatish sifatini yaxshilash va yo‘lovchilar uchun qulay sharoitlar yaratish maqsadida joriy etilmoqda”, — deyiladi xabarda.

Urganch-Nukus yo‘nalishida poyezd qatnovi 27-sentabrdan yo‘lga qo‘yilgandi. Harakat jadvali quyidagicha:

6354-sonli Nukus — Urganch poyezdi:

• Nukus 05:30 — Urganch 08:50;

6353-sonli Urganch — Nukus poyezdi:

• Urganch 15:30 — Nukus 18:50.