Urganch-Nukus yo‘nalishida yangi poyezd qatnovi yo‘lga qo‘yildi

Urganch va Nukus o‘rtasida poyezd qatnovi yo‘lga qo‘yildi. Bu haqda O‘ztemiryo‘lyo‘lovchi matbuot xizmati xabar berdi.

Kompaniya yo‘lovchilarga qulaylik yaratish maqsadida  27-sentabrdan boshlab 6353/6354-sonli Urganch-Nukus-Urganch yo‘nalishida shaharlararo poyezdi harakatlanishini qayd etdi. Bir tomonlama chipta narxi 20 ming so‘mni tashkil etadi.

Harakat jadvali quyidagicha:

6354-sonli Nukus — Urganch poyezdi:

• Nukus 05:30 — Urganch 08:50;

6353-sonli Urganch — Nukus poyezdi:

• Urganch 15:30 — Nukus 18:50.