Nobel mukofotining iqtisodiyot yo’nalishidagi laureatlari aniqlandi

Shvetsiya Qirollik Fanlar akademiyasi tomonidan Iqtisodiyot bo‘yicha 2024-yilgi “Nobel” mukofoti laureatlari e’lon qilindi.

Ushbu mukofot davlat institutlarining qanday shakllanishi va farovonlikka qay tarzda ta’sir ko‘rsatishi bo‘yicha olib borgan tadqiqotlari uchun olimlar Daron Ajemog‘lu, Saymon Jonson va Jeyms Robinsonga beriladi.

“Ular davlat institutlarining mamlakat ravnaqi uchun qanchalik muhimligini ko‘rsatdi. Qonun ustuvorligi rivojlanmasdan, hokimiyat aholini ekspluatatsiya qiladigan jamiyatlar rivojlanmaydi va yaxshi tomonga o‘zgarmaydi. Laureatlarning tadqiqotlari buning sababini tushunishga yordam beradi”, — dedi Shvetsiya Fanlar akademiyasi.