Mustaqillik kunida o‘zbekistonliklar qancha dam olishi ma’lum bo‘ldi

O‘zbekiston Respublikasi Mustaqilligi kuni 1-sentabrda nishonlanishi munosabati bilan ayrim fuqarolarga qo‘shimcha dam olish kunlari beriladi.

Bandlik va kambag‘allikni qisqartirish vazirligi e’lon qilgan hujjatga ko‘ra, besh kunlik ish haftasida ishlovchilar ketma-ket uch kun dam olish imkoniyatiga ega bo‘ladi.

Dam olish kunlari jadvali quyidagicha:

• 30-avgust (shanba): besh kunlik ish haftasida ishlovchilar uchun dam olish kuni;
• 31-avgust (yakshanba): odatdagi dam olish kuni;
• 1-sentabr (dushanba): Mustaqillik kuni munosabati bilan bayram kuni.