O‘zbekistondagi banklarda 23,9 trln so‘mlik muammoli kredit mavjud

2026-yil 1-avgust holatiga O‘zbekistondagi tijorat banklari tomonidan ajratilgan kreditlarning 23,9 trln so‘mi muammoli kreditlar (NPL) ni tashkil etdi. Bu jami kredit portfelining 3,7%iga teng.

Tijorat banklarining jami kredit portfeli 644,6 trln so‘mni tashkil qilgan.

Davlat ulushi mavjud banklarning jami kreditlari 421,9 trln so‘m bo‘lgan. Shundan 16,8 trln so‘mi yoki 4%i muammoli kredit sifatida qayd etilgan.

Davlat ulushi mavjud bo‘lmagan boshqa banklarda esa kredit portfeli 222,7 trln so‘m, muammoli kreditlar hajmi 7,1 trln so‘m bo‘lgan. Ushbu banklarda NPL ulushi 3,2% ni tashkil etgan.

Muammoli kreditlar hajmi bo‘yicha eng yuqori ko‘rsatkichlar

Muammoli kreditlarning mutlaq hajmi bo‘yicha eng katta ko‘rsatkichlar quyidagi banklarda qayd etilgan:

• O‘zmilliybank — 3,197 trln so‘m;
• Agrobank — 3,184 trln so‘m;
• Mikrokreditbank — 2,282 trln so‘m;
• O‘zsanoatqurilishbank — 1,910 trln so‘m;
• Asaka bank — 1,776 trln so‘m;
• Xalq banki — 1,535 trln so‘m;
• Biznesni rivojlantirish banki — 1,532 trln so‘m.

Ya’ni, faqat yuqoridagi yetti bankning o‘zidagi muammoli kreditlar qariyb 15,4 trln so‘mni tashkil qilgan. Bu bank tizimidagi jami NPLning qariyb uchdan ikki qismiga teng.

Kredit portfelidagi ulushi bo‘yicha ko‘rsatkichlar

NPLning kredit portfelidagi ulushini hisobga olganda, eng yuqori ko‘rsatkich TBC bankda kuzatilgan — 13,1%. Bankning 7,938 trln so‘mlik kredit portfelidan 1,037 trln so‘mi muammoli kredit bo‘lgan.

Keyingi o‘rinlarda:

• Poytaxt bank — 10,5%;
• Mikrokreditbank — 9,9%;
• Anor bank — 7,6%;
• Garant bank — 7,2%;
• AVO bank — 6,6%;
• Biznesni rivojlantirish banki — 5,8%;
• Madad Invest bank — 5,5%.

Shu bilan birga, ayrim banklarda NPL ulushi juda past bo‘lgan. Masalan, Apeks bankda 0,1%, Open bankda 0,5%, Hamkorbankda 1,2%, Ipak yo‘li bankda 1,7% va Orient Finance bankda 1,7% ni tashkil etgan.

KDB Bank O‘zbekiston, Oktobank va Uzum bankda esa jadvalda muammoli kreditlar hajmi 0 deb ko‘rsatilgan.

Banklar kesimida