2025-yilda maxsus iqtisodiy zonalarda $2,3 mlrd investisiya o‘zlashtiriladi

2025-yilda maxsus iqtisodiy va sanoat zonalarini rivojlantirishning asosiy maqsadli ko‘rsatkichlari belgilandi. 

Unga ko‘ra, joriy yilda maxsus iqtisodiy zonalarda $2,3 mlrd miqdoridagi investisiyalarni o‘zlashtirish, eksport hajmini $1 mlrdga yetkazish, ishlab chiqarish hajmini $4,3 mlrdga teng miqdorda ta’minlash va 12 mingta yangi doimiy ish o‘rinlarini yaratiladi. 

Sanoat zonalarida $800 mln miqdoridagi investisiyalarni o‘zlashtirish, eksport hajmini $512,2 mlnga yetkazish, ishlab chiqarish hajmini $1,8 mlrdga teng miqdorda ta’minlash va 17 mingta yangi doimiy ish o‘rinlarini yaratish nazarda tutilgan. 

Yangi barpo etiladigan ixtisoslashtirilgan zonalar faqat maxsus iqtisodiy zona yoki sanoat zonasi shaklida tashkil etiladi.

Maxsus iqtisodiy zonalar faoliyati bo‘yicha faqat eksportga yo‘naltirilgan loyihalarga ixtisoslashgan, maydoni o‘ralgan maxsus eksport zonasi turida ham tashkil etilishi mumkin.

Maxsus iqtisodiy zonalarning faoliyat ko‘rsatish muddatiga oid cheklovlar bekor qilinadi.