O‘zbekistonda kripto-aktivlar faoliyatini litsenziyalash narxlari belgilandi

Kripto-aktivlar xizmatlari provayderlari uchun litsenziya olish davlat bojining miqdorlari belgilandi. Bu haqidagi buyruq Adliya vazirligida davlat ro‘yxatidan o‘tkazilgan. 

Unga ko‘ra,  kripto-aktivlar aylanmasi sohasidagi xizmatlar provayderlari faoliyatini amalga oshirishga litsenziyalar berilganligi uchun davlat boji miqdorlari to‘lash sanasida amalda bo‘lgan bazaviy hisoblash miqdorining quyidagi baravarlarida belgilanadi:

• Kripto-birja — 73,4 ming BHM (27,525 mlrd so‘m);
• Mayning-pul — 3 ming BHM ((1,125 mlrd so‘m);
• Kripto-depozitariy — 7 ming BHM (2,625 mlrd so‘m);
• Kripto-do‘kon — 3,7 ming BHM (1,3875 mlrd so‘m).

Eslatib o‘tamiz, 18-dekabr holatiga ko‘ra, bazaviy hisoblash miqdori 375 ming so‘mni tashkil qilmoqda.