O‘zbekistonda ko‘chmas mulk xizmatlari hajmi 4,3 trln so‘mga yetdi

2026-yilning yanvar–fevral oylarida O‘zbekistonda ko‘chmas mulk bilan bog‘liq xizmatlar hajmi 4,3 trln so‘mni tashkil etdi. Bu haqda Statistika qo‘mitasi matbuot xizmati ma’lum qildi.

Mazkur ko‘rsatkich o‘tgan yilning mos davriga nisbatan 15,5% ga oshgan. Bozorning asosiy qismi an’anaviy ravishda Toshkent shahri hissasiga to‘g‘ri kelib, u umumiy hajmning yarmidan ko‘prog‘ini shakllantirgan.

Hududlar kesimida xizmatlar hajmi quyidagicha taqsimlangan:

• Toshkent — 2,6 trln so‘m;
• Toshkent viloyati — 331,5 mlrd so‘m;
• Samarqand viloyati — 212,8 mlrd so‘m;
• Farg‘ona viloyati — 179,3 mlrd so‘m;
• Andijon viloyati — 150,5 mlrd so‘m;
• Qashqadaryo viloyati — 124,2 mlrd so‘m;
• Namangan viloyati — 118,8 mlrd so‘m;
• Surxondaryo viloyati — 106,8 mlrd so‘m;
• Buxoro viloyati — 101 mlrd so‘m;
• Xorazm viloyati — 94,7 mlrd so‘m;
• Qoraqalpog‘iston — 93,9 mlrd so‘m;
• Navoiy viloyati — 88 mlrd so‘m;
• Sirdaryo viloyati — 51,6 mlrd so‘m;
• Jizzax viloyati — 46,7 mlrd so‘m.