O‘zbekistonliklar Qurbon hayitida ketma-ket 5 kun dam oladi

Bayram munosabati bilan ziyorat turizmi uchun maxsus sharoitlar yaratiladi

Фото: Абдумавлон Мадмусаев / Kapital.uz

Prezident Shavkat Mirziyoyev 2026-yilda Qurbon hayitini nishonlash to‘g‘risidagi qarorni imzoladi. Hujjatga ko‘ra, bu yilgi bayramning birinchi kuni 27-may — chorshanba kuniga to‘g‘ri keladi.

Dam olish kunlari taqvimi

Ish haftasining turidan qat’i nazar, barcha xodimlar uchun quyidagi kunlar dam olish kuni deb e’lon qilindi:

•27-may (chorshanba) — Qurbon hayitining birinchi kuni;

•28-may (payshanba) — qo‘shimcha dam olish kuni;

•29-may (juma) — qo‘shimcha dam olish kuni;

•30-may (shanba) — qo‘shimcha dam olish kuni (olti kunliklar uchun);

• 31-may (yakshanba) — odatiy dam olish kuni.

Transport va turizm

Prezident topshirig‘iga binoan, Turizm qo‘mitasi va Transport vazirligi bayram kunlarida o‘zbekistonliklarning muqaddas qadamjolar va tarixiy obidalarga sayohat qilishlari uchun maxsus imtiyozlar va qulay sharoitlar yaratadi.

Mahalliy hokimliklarga bayramni milliy an’analarga mos, yuqori kayfiyatda tashkil etish, shuningdek, ehtiyojmand qatlamni moddiy va ma’naviy qo‘llab-quvvatlash vazifasi yuklatildi.

Qo‘shimcha dam olish kunlari Prezidentning 2025-yil dekabrdagi Farmoni bilan tasdiqlangan yillik rejaga muvofiq belgilangan.