O‘zbekiston Kaspiy dengizida o‘z paromlarini ishga tushirishni rejalashtirmoqda

O‘zbekiston yuklarni yetkazib berishdagi kechikishlarni kamaytirish maqsadida Kaspiy dengizida o‘z paromlarini ishga tushirishni rejalashtirmoqda. Bu haqda Transport vaziri Ilhom Mahkamov “O‘zbekiston 24” telekanaliga bergan intervyusida ma’lum qildi.

Ayni paytda O‘zbekiston kompaniyalari ishtirokida parom tashuvlarini tashkil etish bo‘yicha muzokaralar olib borilib, tayyorgarlik ishlari amalga oshirilmoqda. Ushbu qaror Kaspiy orqali yuk tashish hajmining oshishi bilan bog‘liq bo‘lib, u yerda kemalarning kutish vaqti 30-40 kunga yetib bormoqda. Loyiha turkiyalik hamkorlar bilan hamkorlikda amalga oshirilmoqda.