Osiyo taraqqiyot banki O‘zbekistonga $30 mln miqdorida qarz ajratadi

Osiyo taraqqiyot banki (OTB) O‘zbekiston Ipotekani qayta moliyalashtirish kompaniyasiga (IQK) $30 mln ajratishni ma’qulladi.

Ushbu qarz mablag‘i O‘zbekistonda inklyuziv va ekologik ipotekani qo‘llab-quvvatlashga yo‘naltiriladi. Bunda o‘zbekistonlik ayollarni qo‘llab-quvvatlashga alohida e’tibor qaratiladi.

“Loyiha ayollarning ehtiyojlariga va O‘zbekistonda ekologik rekonstruksiya uchun ipoteka kreditlariga e’tibor qaratish orqali ipoteka kreditlarining ommabopligini oshiradi”, – deya ta’kidlangan qarz tavsifida.

Eslatib o‘tamiz, O‘zbekistonda ipoteka subsidiyalari uchun arizalar qabul qilmoqda. Poytaxt, viloyatlar va Qoraqalpog‘iston Respublikasi aholisi hujjatlarni topshirishi mumkin.