Sandro Rtveladze «Ipoteka Bank»ning boshqaruv raisi etib tayinlandi

Sandro Rtveladze «Ipoteka Bank» kengashini boshqaradi. Uning nomzodi Markaziy bank tomonidan tasdiqlanishi kerak. Bu haqda Bankers.uz xabar berdi.

Sandroning nomzodi rasman tasdiqlanguncha bank rahbariyatini vaqtincha sobiq rais Elyor Inomjonov boshqaradi. Shundan so’ng Inomjonov korporativ boshqaruv uchun mas’ul rais o’rinbosari lavozimini qabul qiladi.

Rtveladze Oksford universitetining iqtisodiyot va moliya bo’yicha magistrlik darajasiga, shuningdek, Bremendagi Jeykobs universitetining gumanitar fanlar, iqtisodiyot, siyosatshunoslik, jurnalistika va sotsiologiya bo’yicha magistrlik darajasiga ega. U UBS, «Liberty Bank» va «Bayport Financial Services» kompaniyalarida yuqori lavozimlarda ishlagan.

2020 yilda u O’zbekistondagi TBC Bank kuzatuv kengashiga boshchilik qilgan, 2022 yildan 2023 yilgacha esa Rossiyaning OTP banki boshqaruvi raisining o’rinbosari bo’lib ishladi. Keyin u texnologiya, transformatsiya va strategiya bo’yicha raisning maslahatchisi bo’lgan.