“Humo” to‘lov tizimiga yangi rahbar tayinlandi

Baxadirov Ulug’bek Xodjiturayevich 15-sentabr kuni “Milliy banklararo protsessing markazi” AJ (“Humo” to‘lov tizimi) boshqaruvi raisi etib tayinlandi. Bunga qadar u kompaniya kuzatuv kengashi raisi lavozimida edi.

“Poytaxt bank” ma’lumotlariga ko’ra, bankning Kuzatuv kengashi a’zosi sifatida faoliyat olib borgan. Ma’lumoti bo‘yicha mutaxassisligi – “Xalqaro valyuta-kredit munosabatlari”, iqtisodchi.

Ulug’bek Baxadirov, shuningdek, Quruq beton aralashmalar ishlab chiqaruvchi “Artmix Trade” MCHJ ning ta’sischilaridan biri hisoblanib, kompaniyaning 50% ulushiga egalik qiladi.

Sarixodjayev Dilshod Shuxratovich esa Ulug’bek Baxadirov o‘rniga kuzatuv kengashi raisi etib tayinlandi.

Kapital.uz avvalroq yangi rahbar tayinlangunga qadar kompaniyani Maqsadjon Muhitdinov boshqarib kelayotgani haqida xabar bergandi.