“Green Card” lotereyasiga arizalar qabuli oktyabrdan boshlanadi

“Green Card” (DV-2026) lotereyasi uchun arizalar qabuli shu haftadan boshlanadi. Bu haqda AQSh Davlat departamenti saytidan ma’lum bo’ldi.

Arizalar 2 oktyabr kuni Toshkent vaqti bilan soat 21:00 da qabul qilina boshlaydi. Qabul 5-noyabr kuni soat 21:00 da tugaydi.

Shuni ta’kidlash kerakki, arizalarni faqat dvprogram.state.gov veb-sayti orqali topshirish mumkin.

Shuningdek, AQShning O’zbekistondagi elchixonasi “Green Card” to’ldirish uchun O’zbekistonliklarga 10 ta maslahat berdi. 

Ro’yxatda quyidagilar keltirilgan:

1. dvprogram.state.gov saytidagi ko’rsatmalarni muvofiqlik mezonlariga javob berishingizni bilish uchun o’qib chiqing. Agar siz talablarga javob bermasangiz, ariza topshirishingiz shart emas;
2. Faqat AQSh hukumati veb-saytlarida olingan ma’lumotlardan foydalaning. “Gov”dan tugaydigan saytlar “DV-2026”ning haqida yagona rasmiy ma’lumot manbai hisoblanadi;
3. Arizani dvprogram.state.gov veb-sayti orqali topshirilish mumkin. Bu hujjatlarni topshirishning yagona usuli. Firibgarlar yoki soxta saytlarning hiyla-nayranglariga aldanib qolmang;
4. Ariza berish bepul. Pul uchun imkoniyatingizni oshirishga va’da bergan yoki anketangizni bepul to’ldirishni taklif qiladiganlardan ehtiyot bo’ling; 
5. Olti oydan ko’p bo’lmagan vaqt ichida olingan fotosuratdan foydalaning. Eski fotosuratlar bilan nomzodlar diskvalifikatsiya qilinadi;
6. Har bir shaxs faqat bitta ariza topshirishi kerak. DV-mavsumida qatnashish uchun bir nechta birlamchi ariza topshirgan shaxslarning nomzodlari diskvalifikatsiya qilinadi;
7. Arizangizda turmush o’rtog’ingizni, shuningdek, 21 yoshgacha bo’lgan barcha turmush qurmagan bolalarni, hatto ular mamlakatdan chiqmasa yoki siz bilan ko’chib ketmasa ham ko’rsating. Agar noto’g’ri ma’lumotlar ko’rsatilgan bo’lsa yoki arizangizda kerakli ma’lumotlar taqdim etilmagan bo’lsa, siz dasturda ishtirok etish uchun tanlangan bo’lsangiz ham, diskvalifikatsiya qilinishi mumkin;
8. Unikal tasdiqlash raqamingizni saqlab qo’ying. Nomzodlar 2025-yil may oyida tanlanganidan keyin ariza holatini tekshirish uchun sizga kerak bo’lishi mumkin;
9.  Tanlov 2025-yilning may oyida yakunlanadi. Tanlovdan o’tganingizni bilishning yagona usuli bu dvprogram.state.gov/ESC veb-saytiga kirishdir. Agar siz ushbu mavzu bo’yicha elektron pochta yoki qandaydur xabar olgan bo’lsangiz, bu firibgarlarning harakatlari;
10. Dasturda ishtirok etish bu viza olish yoki suhbatga taklif qilinish uchun kafolat emas.