Fransiya yuk aviakompaniyasi Navoiyga yuk tashishni boshladi

Joriy yilning 5 avgust kuni Fransiyaning «CMA CGM Air Cargo» transport-logistika aviakompaniyasi Chenjou — Navoiy — Parij yo’nalishi bo’yicha birinchi reysini amalga oshirdi. Bu haqda «Uzbekistan Airports» xabar bermoqda.

Samolyot mahalliy vaqt bilan soat 06:27 da Navoiy shahriga qo’ndi.

Chenjoudan Parijga Navoiyga texnik to’xtash bilan muntazam reyslar Airbus A330 yuk samolyotlarida haftasiga besh marta amalga oshirilishi rejalashtirilgan. 

CMA CGM Air Cargo — 2021 yilda Parijda joylashgan CMA CGM transport guruhining bo’linmasi sifatida tashkil etilgan yirik frantsuz yuk aviakompaniyasi.