Saudiyaning “Flyadeal” aviakompaniyasi O‘zbekistonga aviaqatnovlar uchun ruxsatnoma oldi

Joriy yilning 14-noyabrida “Oʻzaviatsiya” agentligi tomonidan Saudiya Arabiston Qirolligining “Flyadeal” aviakompaniyasiga muntazam aviaqatnovlarni amalga oshirish uchun ruxsatnoma rasmiylashtirildi.

Aviakompaniya “Jidda-Toshkent-Jidda”, “Madina-Toshkent-Madina” va “Jidda-Namangan-Jidda” yoʻnalishlarida qatnovlarni amalga oshiradi.

Yo’lovchilarga A320 havo kemasida xizmat ko’rsatiladi.

Bundan oldin, O’zbekiston va Quvayt o’rtasida muntazam aviaqatnovlarni yo’lga qo’yilishi haqida xabar berilgandi.