«FashionNet» kompaniyasi o’zbek to’qimachiligini targ’ib qilishga yordam beradi

Buyuk Britaniyada joylashgan «FashionNet» kompaniyasi o’zbek to’qimachilarini o’z mahsulotlarini targ’ib qilishda qo’llab-quvvatlashga tayyorligini bildirdi, deya xabar beradi «Dunyo» axborot agentligi.

O’zbekiston elchisi Ravshan Usmonov kompaniya asoschisi Anton Dell bilan hamkorlikni muhokama qilish uchun uchrashdi. Britaniya tomoni o’zbek tadbirkorlariga mahalliy bozorga chiqishda yordam berishga tayyor.

«FashionNet» o’zbek ishlab chiqaruvchilariga eksport masalalari bo’yicha treninglar taklif qiladi, eksport jarayonlari uchun modellar ishlab chiqadi va yetkazib berish uchun eng yaxshi bozorlarni aniqlashga yordam beradi. Bundan tashqari, kompaniya mahsulot narxlari va o’lchamlarini xalqaro standartlarga moslashtiradi.

Shuningdek, Britaniya tomoniga O’zbekiston to’qimachilik sanoati salohiyati va paxta yetishtirishning ilg’or usullari haqida ma’lumot berildi. Shuningdek, kompaniya 8-10 sentabr kunlari Samarqandda bo’lib o’tadigan «ITMF Annual Conference & IAF World Fashion Convention 2024» ko’rgazmasida ishtirok etishga taklif qilindi.