Toshkent farmatsevtika instituti Toshkent viloyatiga ko‘chirilishi mumkin

Toshkent farmatsevtika instituti Toshkent viloyatidagi Tashkent 10 Pharma Park hududiga ko‘chirilishi mumkin. Bu prezidentning “Respublikada tungi iqtisodiyotni rivojlantirish chora-tadbirlari to‘g‘risida”gi qaror loyihasida ko‘zda tutilgan.

Loyihada qayd etilishicha, bo‘shagan yer maydonida ming o‘rinlik avtoturargoh va davlat tasarrufiga o‘tkazish majburiyati bilan 5 yulduzli mehmonxona barpo etiladi. Institut Oybek ko‘chasida, “Oybek” metro bekati yaqinida joylashgan.

Bu Toshkent shahar hokimligi va Sog‘liqni saqlash vazirligining taklifi hisoblanadi.