“UzAuto Motors” “Chevrolet Cobalt Midnight” mashinalariga qayta shartnoma ochilishini e’lon qildi

“UzAuto Motors” 16-yanvar soat 10:00 dan boshlab “Chevrolet Cobalt Midnight” avtomobillari xaridi uchun avvalgi kontraktatsiyada tuzilgan shartnomalar bo‘yicha to‘lovi belgilangan muddatlarda amalga oshirilmagani sababli qayta kontraktatsiya boshlanishini e’lon qildi.

“Chevrolet Cobalt Midnight” sotib olish bo‘yicha shartnomalar faqat savdo.uzavtosanoat.uz veb-sayti orqali onlayn tarzda tuzilishi mumkin. Telegram bot va “UzAvtosavdo” ilovasi faqat navbatni kuzatish va avtomobillar mavjudligi haqida ma’lumot olish uchun ishlatiladi.

Shuningdek, avtomobillarni sotib olish bo‘yicha tuzilgan shartnomalar bo‘yicha to‘lov yetti kalendar kun ichida amalga oshirilishi kerak.