Issiqxonalarni isitishda mazut, bitum va shinalarni yoqqanlik uchun jarimalar belgilandi

Yoqilg‘i hisoblanmaydigan materiallarni, shuningdek, chiqindilarni yoqish uchun jarimalar joriy etiladi. Tegishli qonunni O‘zbekiston prezidenti 4-may kuni imzoladi. Hujjat 5-avgustdan kuchga kiradi.

Havoning ifloslanishi bo‘yicha 88-modda Ma’muriy javobgarlik to‘g‘risidagi kodeks yangi qismlar bilan to‘ldiriladi.

Quyidagilar huquqbuzarlik deb hisoblanadi:

• yoqilg‘ini, yoqilg‘i sifatida foydalaniladigan moddalarni yoki moddalar aralashmasini, yoqilg‘i hisoblanmaydigan materiallarni, shuningdek chiqindilarni buning uchun mo‘ljallanmagan joylarda va qurilmalarda ochiq alanga bilan yoqish;
• issiqxonalarda, ishlab chiqarish binolarida, yoqish qurilmalarida yonilg‘i sifatida shinalar, bitum, mazut, plyonkalar, sintetik karton, rezinalarni yoqish

Ushbu qoidabuzarliklar uchun quyidagi jarimalar nazarda tutilgan:

• fuqarolar uchun — BHMning 15 baravaridan 25 baravarigacha (6,18 mln so‘mdan 10,3 mln so‘mgacha);
• mansabdor shaxslar uchun — BHMning 25 baravaridan 50 baravarigacha (10,3 mln so‘mdan 20,6 mln so‘mgacha)

Agar huquqbuzarlik ma’muriy jazo chorasi qo‘llanilganidan keyin bir yil davomida takror sodir etilsa, jarima:

• fuqarolar uchun — BHMning 25 baravaridan 50 baravarigacha (10,3 mln so‘mdan 20,6 mln so‘mgacha);
• mansabdor shaxslar uchun — BHMning 50 baravaridan 70 baravarigacha (20,6 mln so‘mdan 28,84 mln so‘mgacha).