O‘zbekistonda chet el investitsiyasi ishtirokidagi korxonalar soni 16 mingdan oshdi

Milliy statistika qo‘mitasi ma’lumotlariga ko‘ra, O‘zbekistonda 2025-yilning 1-iyun holatiga 16 ming 405 ta chet el investitsiyasi ishtirokidagi korxonalar faoliyat ko‘rsatmoqda.

Ularning 4 ming 087 tasi qo‘shma va 12 ming 318 tasi xorijiy korxonalar hisoblanadi.

Bu ko‘rsatkich o‘tgan yilning mos davriga nisbatan solishtirganda 14,3% ga oshgan.

Chet el investitsiyasi ishtirokidagi korxonalar davlatlar kesimida quyidagicha:

• Xitoy – 4 ming 068 ta;
• Rossiya – 3 ming 086 ta;
• Turkiya – 1 ming 997 ta;
• Qozog‘iston – 1 ming 136 ta;
• Afg‘oniston – 682 ta;
• Janubiy Koreya – 674 ta;
• BAA – 368 ta;
• Hindiston – 326 ta;
• AQSH – 320 ta.