Bloomberg O‘zbekistonda QQS to‘lovchisiga aylandi

O‘zbekistonda ikkita yangi xorijiy internet-kompaniya QQS to‘lovchisi sifatida ro‘yxatga olindi. Bu haqda Yirik soliq to‘lovchilar bilan ishlash bo‘yicha mintaqalararo inspeksiya ma’lum qildi.

15-aprel kuni Bloomberg LP nomli Amerika kompaniyasi mamlakat soliq tizimida ro‘yxatdan o‘tkazildi. Ushbu kompaniya o‘z nomidagi moliyaviy-tahliliy platformani boshqaradi.

Xuddi shu kuni Reach ekvayring platformasini taqdim etuvchi yuridik shaxs — Britaniyaning With Reach UK Ltd kompaniyasi ham ro‘yxatdan o‘tdi.

Shunday qilib, O‘zbekistonda QQS to‘laydigan xorijiy onlayn xizmatlar ro‘yxatida hozirda 69 ta kompaniya mavjud bo‘lib, ular orasida Alibaba Cloud, eBay va OpenAI ham bor.