O‘zbekiston fuqarolarining haydovchilik guvohnomasi BAAda ham amal qila boshladi

Birlashgan Arabirliklarida 52 mamlakatdan kelgan sayyohlar, jumladan O‘zbekiston fuqarolari uchun va rezidentlarga imtihon topshirishni talab qilmasdan mashina haydashga ruxsat berdi. Bu haqda mamlakat IIV sayti tayanib  Gulf News  xabar berdi.

Ushbu davlat fuqarolari o‘z milliy haydovchilik guvohnomalaridan foydalanishlari yoki ularni nazariy va amaliy imtihonlarsiz mahalliy guvohnomalarga almashtirishlari mumkin. Ro‘yxatga O‘zbekiston ham kiritilgan, ammo Rossiya va Qozog‘iston bu ro‘yxatda yo‘q.

Turistlarga mahalliy hujjatlarni rasmiylashtirmasdan o‘z haydovchilik guvohnomalari bilan avtomobil boshqarishga ruxsat beriladi.

Rezidentlar haydovchilik guvohnomasini 600 dirham (~$164) evaziga BAA guvohnomasiga almashtirishlari mumkin.