Viloyatlararo avtobus va mikroavtobuslarga subsidiya beriladi

Prezident Shavkat Mirziyoyev 9-iyul kuni bo‘lib o‘tgan yig‘ilishda shaharlar va viloyatlararo jamoat transporti qatnovlarini jonlantirish zarurligi ta’kidladi. Bu haqda davlat rahbarining matbuot kotibi Sherzod Asadov xabar berdi.

Yig‘ilishda bu yo‘nalishdagi avtobus va mikroavtobuslar uchun yo‘lovchi boshiga subsidiya berilishi ma’lum qilindi. Avtobuslar uchun utilizatsiya yig‘imidan imtiyoz yana 3 yilga uzaytiriladi va mikroavtobuslarga ham joriy qilinadi. Turistik avtobus va mikroavtobuslar uchun bojxona bojidan imtiyoz uch yil davomida jamoat transporti uchun ham qo‘llanadi.

Bunda, tadbirkorlarga 2 ta shart qo‘yiladi — harakat grafigiga qat’iy amal qilish hamda elektron to‘lov tizimiga o‘tib, tushumlarni shaffof ko‘rsatib borish.