Silk Avia Toshkentdan Andijonga muntazam qatnovlarni amalga oshiradi

20-martdan boshlab Silk Avia Toshkent – Andijon – Toshkent yo‘nalishida muntazam qatnovlarni boshlaydi. Bu haqda Transport vazirligi rasmiy sahifasida ma’lum qildi. 

Aviaqatnovlar haftaning seshanba va payshanba kunlari quyidagi jadval asosida amalga oshiriladi:

• Toshkentdan jo‘nab ketish soat 11:20, Andijonga yetib borish soat 12:20;
• Andijondan jo‘nab ketish soat 13:00, Toshkentga yetib kelish soat 14:00.

Chiptalar narxi bir tomonga 337 ming so‘mdan, borish va qaytish 674 ming so‘mdan boshlanadi.

Aviachiptalarni silk-avia.com saytidan, mobil ilovadan, mamlakatimizning barcha xalqaro aeroportlaridan va Uzbekistan Airways Sales filialidan xarid qilish mumkin.