Andijon viloyatidagi qiymati $300 mlnlik “To‘qimachilik sanoat zonasi” qurilishi boshlandi

Loyiha foydalanishga topshirilgach, 10 mingta yangi ish o‘rni yaratiladi

Фото: Хокимият Андижанской области

Paxtaobod tumanining “Hayotbaxsh” MFY hududida borpo etilayotgan “To‘qimachilik sanoat zonasi”da qurilish olib borilmoqda. Bu haqda Andijon viloyati hokimligi matbuot xizmati ma’lum qildi.

Qiymati $300 mlnlik loyiha 55 gektarlik hududda barpo qilinadi. Foydalanishga topshirilgach esa 10 mingta yangi ish o‘rni yaratiladi.

Savdo-sanoat palatasi tomonidan qurilayotgan ushbu obyekt sanoat ipotekasi asosida tadbirkorlarga berilishi ko‘zda tutilgan. Loyihaning dastlabki bosqichi 2 oyda ishga tushirilishi rejalashtirilgan.