“AirAsia” Kuala-Lumpur va Toshkent o‘rtasida to‘g‘ridan-to‘g‘ri aviaqatnovlarni yo‘lga qo‘ydi

“AirAsia” Kuala-Lumpur va Toshkent o‘rtasida to‘g‘ridan-to‘g‘ri aviaqatnovlarni yo‘lga qo‘ydi.

2025-yil 15-oktabr kuni “AirAsia” aviakompaniyasining Kuala-Lumpur – Toshkent yo‘nalishidagi ilk reysi Toshkent xalqaro aeroportiga qo‘ndi. Bortda 218 nafar yo‘lovchi bo‘lgan havo kemasi suv arkasi bilan kutib olindi.

Mazkur yo‘nalishdagi muntazam reyslar haftasiga uch marta — dushanba, chorshanba va juma kunlari — keng fyuzelyajli Airbus A330 samolyotlarida amalga oshiriladi.

Yangi aviaqatnovlar O‘zbekiston va Malayziya o‘rtasidagi turizm, biznes va madaniy aloqalarni rivojlantirishga xizmat qiladi.